Arkeologen i arbeid
Arkeologane må førebu seg nøye når dei skal ut å leite
etter nye funn i samband med oppdragsforsking eller
i forkant av eit uavhengig forskningsprosjekt. Ein viktig
del av eitkvart arkeologisk arbeid er å granske
kjende funn, og å gjennomgå dokumentsamlingar,
arkiv og katalogar på førehand på leiting etter opplysingar.
Det topografiske arkivet er ei dokumentsamling
som finnst på alle dei arkeologiske musea. Her
er opplysningane systematiserte geografisk etter fylke,
kommune og gardsnamn og -nummer. Einkvar eigedom i Noreg
har eit gards- og eit bruksnummer, og dette vert nytta
i dokumentsamlinga.
Gjenstandskatalogen er musea sin katalog
over alle funn dei har i samlinga si. I Bergen vart
denne påbegynt i 1825 og vert framleis ført!
Fornminneregisteret består av
alle bevarte kulturminne i hele landet. Registeret vert
oppdatert av Norsk Institutt for Kulturminneforsking
(NIKU).
I tillegg er det mange og viktige opplysingar å
finne i dei mange forskingsarbeida som er utført
gjennom tida både her i landet, i Norden og i
resten av verda. Alt dette materialet er sentralt å
kjenne til når ein skal gå i gang med eit
arkeologiske arbeid.
I denne omgang skal vi la forskningsmetodikk liggje,
medan vi går vidare med å sjå litt
nærmare på arkeologen sitt arbeid i felt
og det som er knytta til dette.
|
