Skipshelleren ved Straume

Det ligg ein fantastisk heller på Straume i Vaksdal kommune. Helleren vert kalla Skipshelleren og er i dag ein av dei klassiske arkeologiske funnstadene i landet vårt. Teksten og utvalet av illustrasjonar til denne presentasjonen er laga av forskar Arthur Fasteland ved Bergen Museum.

Namnet "Skipshelleren" skal ha samanheng med at helleren i tidlegare tider vart nytta som opplagsstad for båtar om vinteren.

Helleren ligg på sørsida av den stride tidevas-straumen Øvre Bolstadstraumen, som bind saman dei to fjordarmane Bolstadfjorden og Vikafjorden.

Skipshelleren. Foto: Helge Sunde.