Råstoff, reiskap, våpen og smykke

Bronsesverd

I bronsealder vert det no for fyrste gong laga og brukt sverd her i landet. Arkeologane veit ikkje sikkert om alle vart brukte som våpen. Kanskje var nokre meir "skryteting" enn bruksting. Hadde ikkje du likt å barske deg med sverd i beltet når du visste at ingen andre hadde noko liknande?

På Blindheim i Borgund på Sunnmøre er det funne eit bronsesverd. Det er ein type sverd som vert kalla kortsverd. Det var rissa inn fine mønster på sverdet. Sverdet vart laga i Ungarn.