Dei nye funna på Haugland

Litt om landskapet funna ligg i

Buplassen på Haugland, kalla "lok. 4" av arkeologane, låg i eit område prega av lyngkledte bergknattar, det var myrete her, tett einerkratt og einskilde små rognetre og eit større furutre.

Sjølve lokaliteten ligg i skrånande terreng, mellom 14 til 16 meter over havet. Mot sjøen i sør og sørvest skrånar terrenget ytterlegare. I nord og nordaust er lokaliteten skjerma av ein bergrabb og i vest ligg ein bergrygg som skjermar buplassen for vær og vind. Mot aust og søraust fell terrenget ytterlegare mot ei lita bukt der ein straumførande kabel går ut i sjøen.