Kulturminna i Vingen

Når vart bergbileta laga og brukte ?

Bergbileta i Vingen er av ein type som vert kalla veideristningar. Desse kan gå så langt attende som til eldre steinalder for kring 6000 år sidan, men det vanlege er å datere dei til yngre steinalder for kring 4000 år sidan.

Det finst to hovedtypar bergbilete i Noreg. Den eldste typen vert kalla veideristningar medan den yngre typen vert kalla jordbruksristningar.

På veideristningar finn du ofte bilete av ville dyr som ser svært naturlege ut. Det finst bilete av bjørnar, elg, hjort, reinsdyr, fiskar, kval og andre dyr. Du finn også bilete av menneske og båtar.

På jordbruksristningar finn du bilete av okser, vogner og figurar som fotspor, handavtrykk, sirklar og spiralar og andre figurar som ikkje er så lett å sjå kva er.