Kulturminna i Vingen

Kva finn du i Vingen

I Vingen finn du den største bergkunstlokaliteten i Sør-Noreg med over to tusen bergbilete hogne på svaberg eller på lause steinar.

Området som vert kalla "Vingen ristningsområde" femner om den smale landbremmen langs sørsida av fjorden, Hola innerst i Vingepollen, Vingeneset ved utløpet av pollen på nordsida, garden Vingelven, Fura og Hennøyna lengre vest i Frøysjøen.

På nordsida finst det ristningar på Vingeneset. På sørsida av fjorden finst det mange felt med ristningar.