Mellomalderkyrkja på Moster

Veggmåleria

På alle veggane i kyrkja finst det vakre kalkmålingar frå 1600-talet. Måleria er laga i renessansestil. Dette er nokre av den finaste måla dekoren i denne stilen vi har i landet.

I dag er fargane nokså bleike og falma, men det har vore nytta fleire nyansar av raudt, svart, grønt eller blågrønt og ei farge kalla dodenkop som er ein raudbrun farge med litt violett i.

På veggen i skipet kan du sjå krossfestinga, og over korbogen kan du sjå ei framstilling av Treeininga; med Gud Fader til venstre, den oppstådde Kristus til høgre og den heilage ande i form av ei due over.