Mellomalderkyrkja på Sandtorv

Altarskåpet

I den eldste Sandtorv-kyrkja hadde det stått eit vakkert altarskåp. Skåpet vart truleg flytt til Austevoll-kyrkja etter 1635. Då så Austevoll-kyrkja vart rive i 1891, vart altarskåpet kjøpt inn til Bergen Museum, der det framleis finst.

Altarskåpet frå Sandtorv-kyrkja er eit av dei finaste altarskåp me kjenner frå Vestlandet frå seinmellomalderen. Mest truleg er det laga på ein verkstad i Nord-Tyskland eller i det nordlege Nederland kring 1510-20.