Mellomalderkyrkja på SandtorvKyrkja Den eldste kyrkja me veit om i Austevoll stod på Sandtorv. Det var mest truleg ei stavkyrkje. Ho er nemnd i mellomalderkjelder i samband med at kong Håkon Håkonson vitja kyrkja i året 1240. I 1635 vart kyrkjestaden flytt til Austevoll på Hundvåkøy, og då vart Sandtorv-kyrkja rive. Delar av henne vart brukt som byggematerial til våpenhuset i den nye tømra-kyrkja på Austevoll. Den nye kyrkjestaden gav namn til soknet, og seinare til kommunen. I 1891 vart det bygt ny kyrkje på Storebø, og Austevoll-kyrkja vart rive. Tømmeret frå henne - og dermed også litt av tømmeret frå gamle Sandtorv-kyrkja - vart selt på auksjon og enda som byggematerial i grisehus og andre uthus kring i kommunen. Du kan lese meir om kyrkja her.
|
