Menneske og samfunn

Klede

Frå bronsealder er det funne graver der den døde hadde klede på seg. Slik veit arkeologane litt om korleis dei gjekk kledde på den tida.

Mennene hadde gjerne korte eller lange lendeklede, ei skjorte, kanskje også ei kappe som vart festa med ei bronsespenne over skuldra, hatt eller lue.

Kvinnene hadde langt eller kort skjørt, bluse, kanskje også fint oppsett hår gjerne i hårnett, belte med hengekar bak og belteplate framme. Nokre kan også ha hatt ein slags kjole som var laga av eit firkanta tøystykke, festa med nåler på skuldrene, og med belte om livet.

Dei gjekk gjerne barbeinte eller med lette sko sydd av skinn, kanskje med gras nedi for å halde seg tørr og varm.