Smeden og bonden på Brekke

Ei rik bondegrav på Floten

I september 1952 skulle ein legge om låvevegen på Brekke. Vegen gjekk over ein flat grusavleiring som er kalla "Floten". Området ligg omlag 7 meter over havet. Det er litt høgare enn jordene elles på garden.

Grava låg under låvevegen i grusen. Ho var ikkje markert over jorda med ein haug eller liknande. Botnen av grava var berre 1 meter under bakken. Gravkammeret var dekt av eit par små heller, og var kring 2 meter lang og 60 cm brei. Grava var fylt med mørk jord. Tinga som låg i grava låg fordelt over heile gropa, sverdet i søre ende og med spissen mot sør, perlen visstnok i nordre ende.