Gravfeltet på Kongsafjellet

Røysene ligg på knausar

Dei som bygde gravminna på Kongsafjellet har forsøkt å spare seg sjølve for noko arbeid; dei har bygd røysene på toppen av lave fjellknausar. Slik har dei fått store flotte gravrøyser utan altfor mykje arbeid.

Røysene var godt synlege frå båtar som segla forbi og for folk som var på vandring. Kvifor var det så viktig at røysene var lette å sjå? Dette er ikkje arkeologane sikre på. Det kan ha vore for å vise at nokon eigte eller brukte området. Dei som var på leit etter en plass å slå seg ned, måtte då berre segla vidare.

Slik tenker teiknarane Kjersti Hjelmeland og Rune Roaldkvam seg at bygginga kan ha gått føre seg.